കുവൈത്തിൽ കുറുനരികളുടെ സാന്നിധ്യം വ്യാപകമാകുന്നു
കുവൈത്ത് മരുഭൂമിയുടെ വടക്കും തെക്കുമുള്ള തുറസ്സായ പ്രദേശങ്ങളിൽ അറേബ്യൻ ചുവന്ന കുറുനരികളുടെ സാന്നിധ്യം വ്യാപകമാകുന്നതായി കണ്ടെത്തി.പരിസ്ഥിതി പൊതു സമിതി അധികൃതരാണ് ഇക്കാര്യം അറിയിച്ചത്. പ്രാദേശികമായി “അൽ-ഹോസ്നി” എന്ന പേരിൽ അറിയപ്പെടുന്ന ഈ ജീവികളെ രാജ്യത്തിന്റെ വടക്കൻ പ്രദേശങ്ങളായ നോർത്ത് അൽ-സൽമി, അൽ-മുത്‌ല എന്നിവിടങ്ങളിളും തെക്കൻ മേഖലയിലെ ചില പ്രദേശങ്ങളിലും കണ്ടു വരുന്നതായും പരിസ്ഥിതി പൊതു അതോറിറ്റി സാങ്കേതികകാര്യ ഡെപ്യൂട്ടി ഡയറക്ടർ ജനറൽ അബ്ദുല്ല അൽ-സൈദാൻ അറിയിച്ചു. അതേ പോലെ രാജ്യത്തെ പ്രകൃതിദത്ത റിസർവുകളിലും, ജഹ്‌റയും സബാഹ് അൽ-അഹമ്മദ് മുതലായ പ്രദേശങ്ങളിലും ഇവയുടെ സാന്നിധ്യം കണ്ടെത്തിയിട്ടുണ്ട്. മരുഭൂമിയിലെ ഏറ്റവും വ്യാപകമായ സസ്തനികളിൽ ഒന്നാണ് ഈ ജീവി. ഇവയുടെ വ്യാപനത്തിൻ്റെ തോത് തിരിച്ചറിയാൻ ക്യാമറ ട്രാപ്പുകളും ഡ്രോണുകളും ഉപയോഗിച്ചതായും അദ്ദേഹം വിശദീകരിച്ചു, കുവൈത്ത് , ഒമാൻ, എമിറേറ്റ്സ്, സിറിയ, ജോർദാൻ, യെമൻ, സൗദി അറേബ്യ എന്നീ അറബ് രാജ്യങ്ങളിലെ മരുപ്രദേശങ്ങളാണ് ഇവയുടെ ആവാസ കേന്ദ്രം.വംശനാശഭീഷണി നേരിടുന്ന ജീവജാലങ്ങളുടെ പട്ടികയിൽ ഉൾപ്പെട്ട ഇവയുടെ സംരക്ഷണം ഉറപ്പാക്കുവാൻ അതോറിറ്റി ശ്രമിച്ചു വരികയാണെന്നും അൽ സൈദാൻ പറഞ്ഞു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/GLrqUZASykK7BUFlmATFk7
Comments (0)