KUWAITVARTHAKAL

സർക്കാർ സേവനങ്ങളിൽ പേപ്പർ ഇടപാടുകൾ കുറക്കുന്നതിന്റെ ഭാ​ഗമായി പുതിയ പദ്ധതിയുമായി കുവൈറ്റ്. അതിനായി രാജ്യത്തെ 20 സർക്കാർ ഏജൻസികളെ ബന്ധിപ്പിച്ച് പുതിയ ഡിജിറ്റൽ പ്ലാറ്റ്‌ഫോമിന്‌ രൂപം നൽകി. ഇതുവഴി സർക്കാർ ഏജൻസികളെ ഏകീകൃത ഡിജിറ്റൽ പ്ലാറ്റ്‌ഫോമിലൂടെ ബന്ധിപ്പിക്കും.

സർക്കാർ ഏജൻസികൾ തമ്മിലുള്ള ഡേറ്റ വിനിമയം സു​ഗമമാക്കുന്നതിനും ഉൽപാദന ക്ഷമത വർധിപ്പിക്കുന്നതിനും പൊതുസേവനങ്ങൾ മെച്ചപ്പെടുത്തുന്നതിനും പുതിയ പ്ലാറ്റ്‌ഫോമിലൂടെ സാധിക്കുമെന്നാണ് പ്രതീക്ഷിക്കുന്നത്. പേപ്പർ ഉപയോ​ഗവും അറ്റാച്ച്മെന്റുകളും കുറക്കുക വഴി ഇടപാടുകളിലെ പിഴവുകൾ കുറയ്ക്കുകയും സംരക്ഷണവും സുരക്ഷയും വർധിക്കുകയും ചെയ്യും.

കുറഞ്ഞ സമയത്തിനുള്ളിൽ ഇടപാടുകൾ നടത്താൻ ഈ പുതിയ പദ്ധതിയിലൂടെ സാധിക്കും. പൊതുജനങ്ങൾക്കായുള്ള മിക്ക സേവനങ്ങളും ഒറ്റ ദിവസത്തിനുള്ളിൽ ലഭ്യമാക്കുമെന്നാണ് വിവരം. പദ്ധതിക്കായി ഏകദേശം 1.6 ദശലക്ഷം ദിനാർ ബജറ്റിൽ വകയിരുത്തിയിട്ടുണ്ട്. പുതിയ സംവിധാനം വരുന്നതോടെ പൊതുജനങ്ങൾക്കുള്ള ഭൂരിഭാ​ഗം സേവനങ്ങളും എളുപ്പമാകുമെന്നാണ് പ്രതീക്ഷ.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/CphhwPjIyE122skAdI32Qg

കുവൈറ്റിൽ സ്ത്രീ ദുരൂഹസാഹചര്യത്തിൽ മരിച്ചസംഭവം; ഭർത്താവ് നാടുവിട്ടു

ഒക്ടോബർ 26വരെ കുവൈറ്റിലെ എല്ലാ ഗവർണറേറ്റുകളിലും വൈദ്യുതി മുടങ്ങും