KUWAITVARTHAKAL

കു​വൈ​ത്ത് സി​റ്റി: കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ഓ​ട്ടോ​മാ​റ്റി​ക് കാ​ലാ​വ​സ്ഥ നി​രീ​ക്ഷ​ണ സം​വി​ധാ​നം ന​ട​പ്പി​ലാ​ക്കു​ന്നു. ഇ​തി​നാ​യി കു​വൈ​ത്ത് ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​ൻ (ഡി.​ജി.​സി.​എ) ഫ്ര​ഞ്ച് ക​മ്പ​നി​യു​മാ​യി (സ്റ്റെ​റ​ല) ക​രാ​ർ ഒ​പ്പി​ട്ടു. ഏ​ക​ദേ​ശം 6.2 മി​ല്യ​ൺ ദീ​നാ​ർ ചെ​ല​വ് പ്ര​തീ​ക്ഷി​ക്കു​ന്ന​താ​ണ് പ​ദ്ധ​തി.

സി​വി​ൽ ഏ​വി​യേ​ഷ​ൻ ആ​ക്ടി​ങ് ഡ​യ​റ​ക്ട​ർ ജ​ന​റ​ൽ ഇ​മാ​ദ് അ​ൽ ജ​ലാ​വി​യും സ്റ്റെ​റ​ല സി.​ഇ.​ഒ റോ​ബ​ർ​ട്ട് ബു​സ്‌​കെ​റ്റും ആ​ണ് ക​രാ​ർ ഒ​പ്പി​ട്ട​ത്. 1,095 ദി​വ​സ​ത്തെ പൂ​ർ​ത്തീ​ക​ര​ണ കാ​ല​യ​ള​വും തു​ട​ർ​ന്ന് നാ​ലു വ​ർ​ഷ​ത്തെ വാ​റ​ൻറി​യും അ​റ്റ​കു​റ്റ​പ്പ​ണി​യും ക​രാ​റി​ൽ ഉ​ൾ​പ്പെ​ടു​ന്ന​താ​യി ഡി.​ജി.​സി.​എ പ്ലാ​നി​ങ് ആ​ൻറ് പ്രോ​ജ​ക്ട് അ​ഫ​യേ​ഴ്‌​സ് ഡെ​പ്യൂ​ട്ടി ഡ​യ​റ​ക്ട​ർ ജ​ന​റ​ൽ സാ​ദ് അ​ൽ ഒ​തൈ​ബി പ​റ​ഞ്ഞു.

രാ​ജ്യ​ത്തി​ൻറെ ആ​കാ​ശ, സ​മു​ദ്ര നാ​വി​ഗേ​ഷ​ൻ സം​വി​ധാ​ന​ങ്ങ​ൾ വി​ക​സി​പ്പി​ക്ക​ൽ ല​ക്ഷ്യ​മി​ട്ടാ​ണ് പ​ദ്ധ​തി. ഊ​ഷ്മാ​വ്, കാ​റ്റി​ൻറെ ദി​ശ​യു​ടെ വേ​ഗ​ത, ഈ​ർ​പ്പം, വാ​യു​വി​ൻറെ ഗു​ണ​നി​ല​വാ​രം, വേ​ലി​യേ​റ്റം, ക​ട​ൽ താ​പ​നി​ല എ​ന്നി​വ പോ​ലു​ള്ള കാ​ലാ​വ​സ്ഥാ വി​വ​ര​ങ്ങ​ൾ ന​ൽ​കു​ന്ന​തി​നു​ള്ള സം​വി​ധാ​ന​മാ​ണ് ഇ​ത്.

രാ​ജ്യ​ത്തു​ട​നീ​ള​മു​ള്ള 38 ക​ര, ക​ട​ൽ സ്റ്റേ​ഷ​നു​ക​ൾ വ​ഴി സി​സ്റ്റം ഈ ​ഡേറ്റ​ക​ൾ കൈ​മാ​റും. വ്യോ​മ, സ​മു​ദ്ര നാ​വി​ഗേ​ഷ​ൻറെ​യ​ും പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും സു​ര​ക്ഷ​ക്കു​മാ​യാ​ണ് ഈ ​വി​വ​ര​ങ്ങ​ൾ ഉ​പ​യോ​ഗി​ക്കു​ന്ന​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

​കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂhttps://chat.whatsapp.com/JhLtiBPwVz3HbxdLag7Ltz