കുവൈത്തിലെ നോമ്പ് കാലം: അറിഞ്ഞിരിക്കണം ഇക്കാര്യങ്ങൾ
വിശുദ്ധ റമദാൻ മാസത്തിൽ നോമ്പുകാലത്ത് റെസ്റ്റോറന്റുകളും കഫേകളും സമാന ഔട്ട്‌ലെറ്റുകളും അടച്ചിടാൻ കുവൈറ്റ് മുനിസിപ്പാലിറ്റി ഡയറക്ടർ ജനറൽ എഞ്ചിനീയർ അഹമ്മദ് എഐ-മൻഫൗഹി ഭരണപരമായ തീരുമാനം പുറപ്പെടുവിച്ചു. ഔദ്യോഗിക ഇഫ്താർ സമയത്തിന് രണ്ട് മണിക്കൂർ മുമ്പ് അവർക്ക് ഔട്ട്‌ലെറ്റുകൾ തുറക്കാനും അവരുടെ ജോലിക്ക് തയ്യാറെടുക്കാനും കഴിയും. തീരുമാനം ലംഘിക്കുന്നവർക്കെതിരെ നിയമനടപടികൾ സ്വീകരിക്കുമെന്നും റമദാൻ ആദ്യ ദിവസം മുതൽ തീരുമാനത്തിന് സാധുതയുണ്ടെന്നും അദ്ദേഹം ഊന്നിപ്പറഞ്ഞു. കൂടാതെ പൊതുതാല്പര്യം കണക്കിലെടുത്ത് ശുചീകരണ തൊഴിലാളികളുടെയും ജോലി സമയങ്ങളിൽ മാറ്റം വരുത്താൻ മുൻസിപ്പൽ അധികൃതർ കരാർ കമ്പനികൾക്ക് നിർദ്ദേശം നൽകി. ആരോഗ്യം സുരക്ഷാ കണക്കിലെടുത്താണ് ഈ തീരുമാനം. തൊഴിലാളികൾക്ക് സൂര്യാഘാതം ഏൽക്കുന്നത് പോലുള്ള അപകടസാധ്യതകൾ തടയുക എന്ന ലക്ഷ്യത്തോടെയാണ് ഈ തീരുമാനം. പൊതുഇടങ്ങളിൽ ദിവസേന നടത്തുന്ന ശുചീകരണവും, തൂത്തുവാരാൻ പ്രവർത്തനങ്ങളും പുലർച്ചെ 3 മണി മുതൽ രാവിലെ 10 മണി വരെയും, മാലിന്യങ്ങൾ നീക്കം ചെയ്യുന്നത് രാത്രി 10 മണി മുതൽ പുലർച്ചെ 1 മണി വരെയും ആയിരിക്കും. റമദാൻ 1 മുതൽ മേൽപ്പറഞ്ഞ മാറ്റങ്ങൾ പ്രാബല്യത്തിൽ വരും. കുവൈറ്റിലെ വാ‍‍ർത്തകളും വിശേഷങ്ങളും അറിയാൻ വാട്സ്ആപ്പ് ലിങ്കിൽ ക്ലിക്ക് ചെയ്യുക https://chat.whatsapp.com/HupCComIo3E8IXTSXIjyNb
Comments (0)