പോളിയോ പ്രതിരോധ രംഗത്ത് മികച്ച നേട്ടവുമായി കുവൈത്ത്
പോളിയോ പ്രതിരോധ രംഗത്ത് മികച്ച നേട്ടം കൈവരിച്ച് കുവൈത്ത്.പോളിയോ നിർമ്മാർജ്ജനവുമായി ബന്ധപ്പെട്ട് ആരോഗ്യ മന്ത്രാലയം സംഘടിപ്പിച്ച പരിശീലന പരിപാടിയിൽ പങ്കെടുക്കവേ പൊതുജനാരോഗ്യ വകുപ്പ് ഡയറക്ടർ ഡോ. ഫഹദ് അൽ കുമ്ലാസ് ആണ് ഇക്കാര്യം അറിയിച്ചത്. രാജ്യത്ത് സംക്രാമക രോഗങ്ങൾ നിയന്ത്രിക്കാനുള്ള പരിശ്രമങ്ങളിൽ ഗണ്യമായ നേട്ടങ്ങൾ കൈവരിച്ചു വരുന്നതായും 1983 മുതൽ ഇത് വരെയായി കുവൈത്തിൽ പോളിയോ കേസുകൾ റിപ്പോർട്ട് ചെയ്തിട്ടില്ലെന്നതിൽ അഭിമാനിക്കുന്നുവെന്നും ആദ്ദേഹം പറഞ്ഞു.രാജ്യത്തെ പോളിയോ നിർമ്മാർജ്ജന പ്രതിരോധ കുത്തിവയ്പ്പ് പദ്ധതിയെ പറ്റി പരിപാടിയിൽ വിശദീകരിച്ചു.
പരിപാടിയിൽ ആരോഗ്യമന്ത്രി ഡോ. അഹമ്മദ് അൽ അവാദി,പൊതുജനാരോഗ്യ വകുപ്പിന്റെ അസിസ്റ്റന്റ് സെക്രട്ടറി ഡോ. നാദിർ അൽ ഹസാവി എന്നിവരും പങ്കെടുത്തു.”
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CaFAk4XFUkyH1roRDThyhn
Comments (0)