വ്യാജ വാർത്ത പ്രചരിപ്പിച്ചു; കുവൈറ്റിൽ കുരുക്കിലാക്കി ഇലക്ട്രോണിക് മാധ്യമങ്ങളും, ബ്ലോഗർമാരും
കുവൈറ്റിൽ വ്യാജ വാർത്ത പ്രചരിപ്പിച്ച ഇലക്ട്രോണിക് മാധ്യമങ്ങളും, ബ്ലോഗർമാരും കുരുക്കിലാക്കി. 6 ഇലക്ട്രോണിക് മാധ്യമ സ്ഥാപനങ്ങളെ പബ്ലിക് പ്രോസിക്യൂഷന് റഫർ ചെയ്തു. വിരമിച്ച ഉദ്യോഗസ്ഥരുടെ എൻഡ്-ഓഫ്-സർവീസ് സംബന്ധിച്ച ഉത്തരവിന് തെറ്റായി വ്യാഖ്യാനിച്ച് വ്യാജ വാർത്ത പ്രചരിപ്പിച്ചതിനാണ് നടപടി. ഇലക്ട്രോണിക് മീഡിയ റെഗുലേഷൻ നിയമം ലംഘിച്ചുവെന്ന് ഇൻഫർമേഷൻ മന്ത്രാലയത്തിലെ പ്രസ്, പബ്ലിഷിങ്, പബ്ലിക്കേഷൻസ് അഫയേഴ്‌സ് അസിസ്റ്റന്‍റ് അണ്ടർസെക്രട്ടറി ലാഫി അൽ-സുബൈ പറഞ്ഞു. ഔദ്യോഗിക സ്രോതസ്സുകളില്‍ നിന്നുള്ള വിവരങ്ങള്‍ പരിശോധിക്കാതെയാണ് ഇവർ വാർത്തകൾ നൽകിയത്. അതുപോലെ, മുൻ എംപി ഷുഹൈബ് അൽ-മുവൈസ്രിയെ രാജ്യത്തേക്ക് പ്രവേശിക്കുന്നതിൽ നിന്ന് തടഞ്ഞുവെന്ന വ്യാജ വാർത്ത പ്രചരിപ്പിച്ച 25-ഓളം ബ്ലോഗർമാർക്കെതിരെയും നടപടി തുടങ്ങിയിട്ടുണ്ട്. വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CaFAk4XFUkyH1roRDThyhn
Comments (0)