കുവൈറ്റിൽ ട്രാഫിക് ലംഘനങ്ങൾ രേഖപ്പെടുത്താൻ AI ക്യാമറകൾ
സീറ്റ് ബെൽറ്റ് ധരിക്കാത്തതും വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നതും സംബന്ധിച്ച നിയമലംഘനങ്ങൾ രേഖപ്പെടുത്താൻ ആർട്ടിഫിഷ്യൽ ഇൻ്റലിജൻസ് (അൽ) അടിസ്ഥാനമാക്കിയുള്ള നിരീക്ഷണ ക്യാമറകൾ ഉപയോഗിക്കുമെന്ന് ആഭ്യന്തര മന്ത്രാലയം പ്രഖ്യാപിച്ചു.
പ്രഥമ ഉപപ്രധാനമന്ത്രി, പ്രതിരോധ മന്ത്രി, ആഭ്യന്തര മന്ത്രി ഷെയ്ഖ് ഫഹദ് അൽ യൂസഫ് സൗദ് അൽ സബാഹ് എന്നിവരുടെ നിർദേശത്തിൻ്റെ അടിസ്ഥാനത്തിലാണ് ലംഘനങ്ങൾ ഓട്ടോമേറ്റഡ് മോണിറ്ററിംഗിനായി മന്ത്രാലയം ആർട്ടിഫിഷ്യൽ ഇൻ്റലിജൻസും ആധുനിക സാങ്കേതിക വിദ്യകളും നടപ്പാക്കിയതെന്ന് ആഭ്യന്തര മന്ത്രാലയം അറിയിച്ചു. നിയമലംഘനങ്ങൾ കൃത്യമായും ഫലപ്രദമായും നിരീക്ഷിച്ച് റോഡ് ഉപയോക്താക്കളുടെ സുരക്ഷ വർദ്ധിപ്പിക്കാനാണ് ഈ സാങ്കേതികവിദ്യ ലക്ഷ്യമിടുന്നതെന്ന് ആഭ്യന്തര മന്ത്രാലയം വിശദീകരിച്ചു. ട്രാഫിക് നിയമങ്ങൾ പാലിക്കണമെന്നും സീറ്റ് ബെൽറ്റ് ധരിക്കണമെന്നും വാഹനമോടിക്കുമ്പോൾ ഫോൺ ഉപയോഗിക്കുന്നത് ഒഴിവാക്കണമെന്നും അധികൃതർ ഡ്രൈവർമാരോട് ആവശ്യപ്പെട്ടു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CaFAk4XFUkyH1roRDThyhn
Comments (0)