നിയമലംഘനം നടത്തിയ റെസിഡൻഷ്യൽ പ്രോപ്പർട്ടി ഉടമകളുടെ വൈദ്യുതി വിതരണം വിച്ഛേദിച്ച് മുനിസിപ്പാലിറ്റി
കുവൈറ്റ് മുനിസിപ്പാലിറ്റിയുടെ പ്രാന്തപ്രദേശമായ ഒമാരിയ, റബീഹ് എന്നിവിടങ്ങളിൽ വൈദ്യുതി, ജലം, പുനരുപയോഗ ഊർജ മന്ത്രാലയത്തിന്റെ ഏകോപനത്തോടെ ഫർവാനിയ മുനിസിപ്പാലിറ്റി ബ്രാഞ്ചിലെ എൻജിനീയറിങ് ഓഡിറ്റ് ആൻഡ് ഫോളോ-അപ്പ് വിഭാഗം 32 റസിഡൻഷ്യൽ പ്രോപ്പർട്ടികളിൽ വൈദ്യുതി ബന്ധം വിച്ഛേദിച്ചതായി അറിയിച്ചു.
സ്വകാര്യ ഹൗസിംഗ് ഏരിയകളിലെ ബാച്ചിലർമാർക്ക് ഉടമകൾ തങ്ങളുടെ വീടിന്റെ ഔട്ട് ഹൗസുകൾ വാടകയ്ക്ക് നൽകിയത് സമീപത്തെ വീടുകളിലെ താമസക്കാർക്ക് വലിയ ബുദ്ധിമുട്ടുണ്ടാക്കിയതായി ഓഡിറ്റ് ആൻഡ് എഞ്ചിനീയറിംഗ് ഫോളോ-അപ്പ് ഡിപ്പാർട്ട്‌മെന്റ് ഡയറക്ടർ സയീദ് അൽ-അസ്മി പത്രക്കുറിപ്പിൽ പറഞ്ഞു. ഇത്തരത്തിലുള്ള നിയമ ലംഘനങ്ങൾ കണ്ടെത്തുന്നതിന് പരിശോധനകൾ തുടരുമെന്നും, ലംഘനങ്ങൾ കണ്ടെത്തിയാൽ ബന്ധപ്പെട്ട അധികാരികളുമായി സഹകരിച്ച് വൈദ്യുതി വിതരണം വിച്ഛേദിക്കുന്നതിന് മുമ്പ് നിയമനടപടി സ്വീകരിക്കുമെന്നും എഞ്ചിനീയറിംഗ് ലംഘനങ്ങളുടെ ഫോളോ-അപ്പ് വിഭാഗം മേധാവി ഖാലിദ് അൽ ഒസൈമി പറഞ്ഞു. അൽ-റബിയയിലെ 14 വീടുകളിലും ഒമരിയ മേഖലയിൽ നിന്ന് 18 വീടുകളിലും വൈദ്യുതി വിച്ഛേദിച്ചതായി വിശദവിവരങ്ങൾ നൽകിക്കൊണ്ട് അദ്ദേഹം പറഞ്ഞു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/F01ELZ6DHGILPoqh1fXNmd
Comments (0)