കുവൈത്തിലെ ഈ പ്രദേശത്തെ കന്നുകാലി ചന്ത അടച്ചു; കാരണമിതാണ്
കുവൈത്തിൽ കബദ് പ്രദേശത്തെ കന്നുകാലി വിപണി താൽക്കാലികമായി അടച്ചു പൂട്ടി.സുലൈബിയയിലെ ചില കന്നുകാലി ഫാമുകളിൽ പാദ, വദന രോഗം ( Foot-and-Mouth Disease – FMD) കണ്ടെത്തിയതിനെ തുടർന്നാണ് തീരുമാനം എന്ന് ജനറൽ അഗ്രികൾച്ചറൽ ആൻഡ് ഫിഷ് റിസോഴ്‌സ് അധികൃതർ അറിയിച്ചു.ഈ ഫാമു കളിൽ കഴിഞ്ഞ ദിവസം നടത്തിയ പരിശോധനയിൽ
SAT1 വൈറസ് കണ്ടെത്തിയിരുന്നു.ഇതെ തുടർന്നാണ് കന്നു കാലികളുടെ വ്യാപാരവും, വിപണിയിൽനിന്ന് മറ്റു സ്ഥലങ്ങളിലേക്കുള്ള കടത്തും താൽക്കാലികമായി നിരോധിച്ചത്. മറ്റൊരു അറിയിപ്പ് ഉണ്ടാകുന്നത് വരെ നിരോധനം തുടരും.കന്നുകാലികളിലും മറ്റു മൃഗങ്ങളിലും
അതിവേഗം പടരുന്ന വൈറസ് രോഗമാണ് പാദ വദന രോഗം. രോഗബാധയെക്കുറിച്ച് ജാഗ്രത പുലർത്തിയില്ലെങ്കിൽ , വലിയ സാമ്പത്തിക നഷ്ടങ്ങളും ജീവഹാനിയും സംഭവിക്കാവുന്ന ഗുരുതരമായ രോഗമാണ് ഇതെന്ന് അധികൃതർ വ്യക്തമാക്കി.
ലോകത്തിൽ ഏകദേശം 1.8 ബില്യൺ കന്നുകാലികളാണുള്ളത് .ഇവയിൽ ഭൂരിഭാഗവും പാദ വദന രോഗബാധക്ക് സാധ്യതയുള്ള പ്രദേശങ്ങളിലാണ് കഴിയുന്നത്. കന്നുകാലികളിൽ നിന്നുള്ള വരുമാനം ആശ്രയിച്ച് ജീവിക്കുന്നവർക്ക് ഗുരുതരമായ സാമ്പത്തിക പ്രത്യാഘാതങ്ങൾക്ക് കാരണമാ കുന്നതാണ് ഈ രോഗം എന്ന് വിദഗ്ദ്ധർ മുന്നറിയിപ്പ് നൽകി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)