കുറഞ്ഞ വില വാഗ്ദാനം നൽകി ഓൺലൈൻ തട്ടിപ്പ്; കുവൈത്തിൽ ജാഗ്രതാ നിർദേശം
കുവൈത്തിൽ വിവിധ ഉൽപ്പന്നങ്ങൾക്ക് കുറഞ്ഞ വില വാഗ്ദാനം നൽകി നടത്തുന്ന ഓൺലൈൻ തട്ടിപ്പുകൾ വ്യാപകമാകുന്നു.വിവിധ ഉൽപ്പന്നങ്ങൾക്ക് അവിശ്വസനീയമായ വിലക്കുറവ് വാഗ്ദാനം നൽകിയാണ് സോഷ്യൽ മീഡിയ പ്ലാറ്റ്ഫോമുകൾ വഴി തട്ടിപ്പ് നടത്തുന്നത്. ഉപഭോക്താകളുടെ വിശ്വാസ്യത ആർജ്ജിക്കുന്നതിനായി ‘ ഉൽപ്പന്നം ഇഷ്ടമായില്ലെങ്കിൽ പണം അടയ്ക്കേണ്ടതില്ല ‘ എന്ന വാഗ്ദാനത്തിലാണ് പലരും കെണിയിൽ അകപ്പെടുന്നത്. തുടർന്ന് മുൻ കൂർ ആയി ഒരു ദിനാർ മാത്രം അടച്ചാൽ മതിയെന്ന് അറിയിച്ചു കൊണ്ട് ഉപഭോക്താവിന് പ്രത്യേക ലിങ്ക് അയക്കുകയും ചെയ്യും. ലിങ്ക് തുറക്കുന്നതോടെ ഉപഭോക്താവിന്റെ ബാങ്ക് അകൗണ്ടിലുള്ള മുഴുവൻ തുകയും സംഘം കൈക്കലാക്കുകയും ചെയ്യും. ഇതാണ് തട്ടിപ്പിന്റെ രീതി. ഇത്തരത്തിൽ നിരവധി പേർക്ക് പണം നഷ്ട പ്പെട്ടതായി കഴിഞ്ഞ ദിവസം സൈബർ കൂറ്റാന്വേഷണ വിഭാഗത്തിനു പരാതി ലഭിച്ചിട്ടുണ്ട്. രാജ്യത്തിന് പുറത്തു നിന്നുള്ള സംഘമാണ് തട്ടിപ്പിന്റെ പിന്നിലുള്ളതെന്ന് അന്വേഷണത്തിൽ കണ്ടെ ത്തിയിട്ടുണ്ട്.അജ്ഞാത സോഷ്യൽ മീഡിയ അക്കൗണ്ടുകൾ വഴി ഓൺ ലൈൻ ആയി സാധനങ്ങൾ വാങ്ങുന്നതും അജ്ഞാത
പേയ്മെന്റ് ലിങ്കുകൾ ഉപയോഗിക്കുന്നത് ഒഴിവാക്കുവാനും അധികൃതർ ജനങ്ങൾക്ക് മുന്നറിയിപ്പ് നൽകി
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)