കുവൈറ്റിൽ റിയൽ എസ്റ്റേറ്റ് മേഖലയില്‍ മാറ്റങ്ങൾ: ഇക്കാര്യങ്ങൾ അറിയണം
ഗൾഫ് രാജ്യങ്ങളിൽ തന്നെ റിയൽ എസ്റ്റേറ്റ് മേഖലയില്‍ വമ്പന്‍ ശക്തിയായി വളർന്നുകൊണ്ടിരിക്കുന്ന യുഎഇയുടെ പാത പിന്തുടരാന്‍ തീരുമാനിച്ചിരിക്കുകയാണ് കുവൈറ്റും. യുഎഇയെ അനുകരിച്ച് വിദേശികൾക്കും , കെട്ടിടങ്ങളും വീടുകളും സ്വന്തമാക്കാന്‍ അനുവദിക്കുന്ന പുതിയ ചട്ടത്തിന് കുവൈത്ത് സര്‍ക്കാര്‍ അംഗീകാരം നല്‍കിയിരിക്കുകയാണ്. കുവൈത്ത് പൗരന്‍മാര്‍ക്ക് അല്ലാതെ രാജ്യത്ത് കെട്ടിടങ്ങളുടെ ഉടമസ്ഥാവകാശം നല്‍കില്ലെന്ന 1979 ലെ നിയമമാണ് കുവൈറ്റ് സര്‍ക്കാര്‍ ഇതോടെ പൊളിച്ചെഴുത്തിയിരിക്കുന്നത്. ജിസിസി രാജ്യങ്ങള്‍ക്കിടയില്‍ യുഎഇ വര്‍ഷങ്ങള്‍ക്ക് മുമ്പു തന്നെ രാജ്യത്ത് വിദേശികള്‍ക്ക് സ്വത്ത് ഉടമാവകാശത്തിന് അനുമതി നല്‍കിയിരുന്നു. അടുത്ത കാലത്തായി ഖത്തറും സൗദി അറേബ്യയും യുഎഇയുടെ പാത പിന്തുടരാനുള്ള ശ്രമങ്ങള്‍ക്ക് തുടക്കം കുറിക്കുകയും ചെയ്തിരുന്നു. കുവൈറ്റിന്റെ റിയല്‍ എസ്റ്റേറ്റ് മേഖലയിലും സമ്പദ്ഘടനയിലും വലിയ രീതിയിൽ മാറ്റം കൊണ്ടുവരാന്‍ പുതിയ നിയമഭേദഗതിക്കാകുമെന്നാണ് കുവൈറ്റ് സര്‍ക്കാര്‍ ഇതോടെ കരുതുന്നത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/GLrqUZASykK7BUFlmATFk7
Comments (0)