ഗോവണി മാറ്റിയത് അറിഞ്ഞില്ല; പറക്കാനൊരുങ്ങിയ വിമാനത്തിൽ നിന്ന് താഴേക്ക് വീണ് എയർഹോസ്റ്റസിന് പരിക്ക്
പറക്കാനൊരുങ്ങിയ വിമാനത്തിൽ നിന്ന് താഴേക്ക് വീണ് എയർഹോസ്റ്റസിന് പരിക്ക്. ഈസ്റ്റ് മിഡ്ലാൻഡ്സ് എയർപോർട്ടിലാണ് സംഭവം. ബ്രിട്ടിഷ് വിമാനക്കമ്പനിയായ ടിയുഐ എയർവേയ്‌സിലെ എയർഹോസ്റ്റസാണ് അപകടത്തിൽപ്പെട്ടത്. വിമാനത്തിന്‍റെ വാതിലിൽ ഗോവണി സ്ഥാപിച്ചിട്ടില്ലെന്ന് അറിയാതെയാണ് എയർഹോസ്റ്റസ് താഴേക്ക് കാലെടുത്തുവെച്ചത്. ഈസ്റ്റ് മിഡ്ലാൻഡ്സ് ആംബുലൻസ് സർവീസ് ഉടൻ തന്നെ സ്ഥലത്തെത്തി എയർഹോസ്റ്റസിനെ നോട്ടിങ്ഹാം ക്വീൻസ് മെഡിക്കൽ സെന്‍ററിൽ പ്രവേശിപ്പിച്ചു. ഗോവണി ഘടിപ്പിച്ചിട്ടുണ്ടെന്ന് കരുതി വിമാനത്തിന്‍റെ വാതിൽ തുറന്ന് താഴേക്ക് ഇറങ്ങാൻ ശ്രമിക്കുകയായിരുന്നു എയർഹോസ്റ്റസ്. എന്നാൽ ഗോവണി മാറ്റിയിരുന്നതിനാൽ എയർഹോസ്റ്റസ് താഴേക്ക് വീഴുകയായിരുന്നു. സംഭവത്തിൽ യുവതിക്ക് പരിക്കേറ്റിട്ടുണ്ട്. സംഭവത്തിൽ എയർ ആക്‌സിഡന്‍റ് ഇൻവെസ്റ്റിഗേഷൻസ് ബ്രാഞ്ച് (എഎഐബി) അന്വേഷണം ആരംഭിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CaFAk4XFUkyH1roRDThyhn
Comments (0)