കുവൈറ്റിൽ വാഹനം മറിഞ്ഞുണ്ടായ അപകടത്തിൽ ഡ്രൈവർ മദ്യപിച്ചതായി റിപ്പോർട്ട്
കുവൈറ്റിലെ ജഹ്‌റയിൽ വാഹനം മറിഞ്ഞുണ്ടായ അപകടത്തിൽ ഡ്രൈവർ മദ്യലഹരിയിലാണെന്ന് കണ്ടെത്തി. സംഭവസ്ഥലത്ത് നിന്ന് മദ്യം അടങ്ങിയ മൂന്ന് കുപ്പികളും കണ്ടെത്തിയിട്ടുണ്ട്. രാജ്യത്ത് അനധികൃതമായി താമസിച്ചിരുന്ന ഡ്രൈവറെ, വാഹനമോടിച്ച് അപകടമുണ്ടാക്കിയതിനും പൊതുമുതൽ നശിപ്പിച്ചതിനും അറസ്റ്റ് ചെയ്തതായാണ് റിപ്പോർട്ട്. രാത്രി 9:40 ഓടെ അൽ-ജഹ്‌റ റോഡിൽ പാലസ് ഏരിയയ്ക്ക് സമീപമുള്ള അൽ-മുത്‌ലയിലേക്കുള്ള ഒരു കാർ അപകടത്തെക്കുറിച്ച് അധികൃതർക്ക് റിപ്പോർട്ട് ലഭിച്ചു. പോലീസ് എത്തിയപ്പോൾ ഡ്രൈവർ മദ്യപിച്ചതായി സംശയം തോന്നിയതിനെ തുടർന്ന് വൈദ്യപരിശോധനയ്ക്ക് വിധേയനാക്കുകയായിരുന്നു. കൂടാതെ വാഹനത്തിൽ തീ പടർന്നതിൻ്റെ ലക്ഷണങ്ങളും ഉണ്ടായിരുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ: https://chat.whatsapp.com/I2V0awoqysHJacffeRKYWz
Comments (0)