കുവൈറ്റിൽ ആകാശ വിസ്മയം കാണാം
കുവൈറ്റിന്റെ ആകാശത്തു മെയ് മാസം ആദ്യവാരം ഒരു കൂട്ടം ആസ്ട്രോണമിക്കൽ പ്രതിഭാസങ്ങൾക്ക് സാക്ഷ്യം വഹിക്കുമെന്ന് അൽ അജ്‍രി സയന്റിഫിക് സെന്റർ അറിയിച്ചു. ആദ്യ പ്രതിഭാസം മെയ് 4 ന് പുലർച്ചെയാണ്. ശനി ഗ്രഹവുമായി ചന്ദ്രൻ്റെ സംയോജനം സൂര്യോദയത്തോടെ അപ്രത്യക്ഷമാകും. പുലർച്ചെ നഗ്നനേത്രങ്ങൾ കൊണ്ട് കാണാനുള്ള സാധ്യതയുണ്ട്. അടുത്ത ദിവസം സൂര്യോദയത്തിന് മുമ്പ് ചന്ദ്രൻ ചൊവ്വ ഗ്രഹവുമായി സംയോജിക്കുന്നതും ദൃശ്യമാകും. മെയ് 5, 6 തീയതികളിൽ ജ്യോതിശാസ്ത്ര പ്രേമികൾക്ക് ഉൽക്കകൾ പെയ്യുന്നത് നിരീക്ഷിക്കാൻ കഴിയും. ഉൽക്കകളുടെ ശരാശരി എണ്ണം മണിക്കൂറിൽ 30 എണ്ണത്തിൽ എത്തുന്നു. ഈ ഉൽക്കകൾ കാണാനുള്ള ഏറ്റവും നല്ല സമയം അർദ്ധരാത്രിക്ക് ശേഷം പൂർണ്ണമായും ഇരുണ്ട സ്ഥലത്ത് നിന്ന് ആയിരിക്കും. ഈ മാസം ആറാം തീയതി പുലർച്ചെ ചന്ദ്രൻ ബുധൻ ഗ്രഹവുമായി സംയോജിക്കും, സൂര്യോദയം വരെ ഈ പ്രതിഭാസം നഗ്നനേത്രങ്ങൾ കൊണ്ട് നിരീക്ഷിക്കാനാകും.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/LZxsiN4roxb26iFpx3Zcim
Comments (0)