KUWAITVARTHAKAL

കു​വൈ​ത്ത് സി​റ്റി: കു​വൈ​ത്തി​ൽ നി​യ​മ​ലം​ഘ​ന​ത്തി​ന്റെ പേ​രി​ൽ സ്വ​കാ​ര്യ ക്ലി​നി​ക്കി​ൽ​നി​ന്ന് അ​റ​സ്റ്റി​ലാ​യ മ​ല​യാ​ളി ന​ഴ്സു​മാ​രു​ടെ മോ​ച​ന ന​ട​പ​ടി​ക​ൾ പു​രോ​ഗ​മി​ക്കു​ന്നു. വി​ഷ​യ​ത്തി​ൽ വി​ദേ​ശ​കാ​ര്യ മ​ന്ത്രാ​ല​യ​വും ഇ​ന്ത്യ​ൻ എം​ബ​സി​യും ഇ​ട​പെ​ട്ടു​വ​രു​ക​യാ​ണ്. വി​ഷ​യം അ​ധി​കാ​രി​ക​ളു​മാ​യി സം​സാ​രി​ച്ചു​വ​രു​ക​യാ​ണെ​ന്ന് ഇ​ന്ത്യ​ൻ വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു. കു​​വൈ​​ത്ത് ആ​​രോ​​ഗ്യ​​മ​​ന്ത്രാ​​ല​​യ​​ത്തി​​ൻറെ അ​​നു​​മ​​തി​യി​​ല്ലാ​​തെ​​യാ​​ണ് ഇ​വ​ർ ജോ​ലി ചെ​യ്തി​രു​ന്ന ക്ലി​നി​ക് പ്ര​​വ​​ർ​​ത്തി​​ച്ചു​​വ​​ന്നി​രു​ന്ന​ത് എ​ന്നാ​ണ് റി​പ്പോ​ർ​ട്ട്. ഇ​​തേ​ത്തു​​ട​​ർ​​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് മ​​ല​​യാ​​ളി​​ക​​ൾ ഉ​​ൾ​​പ്പെ​​ട്ട സം​​ഘ​​ത്തെ പി​ടി​കൂ​ടി​യ​ത്. 34 ഇ​ന്ത്യ​ക്കാ​രു​ൾ​പ്പെ​ടെ 60 പേ​രാ​ണ് അ​റ​സ്റ്റി​ലാ​യ​ത്. പി​ടി​യി​ലാ​യ​വ​രി​ൽ 19 പേ​ർ മ​ല​യാ​ളി​ക​ളാ​ണ്. ഇ​വ​രി​ൽ കൈ​ക്കു​ഞ്ഞു​ള്ള ന​ഴ്സു​മാ​രു​മു​ണ്ട്. ലൈ​സ​ൻ​സ് ഇ​ല്ലാ​ത്ത​വ​രും മ​തി​യാ​യ യോ​ഗ്യ​ത ഇ​ല്ലാ​ത്ത​വ​രു​മാ​ണ് പി​ടി​യി​ലാ​യ​തെ​ന്ന് കു​വൈ​ത്ത് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചി​രു​ന്നു. 10 വ​ർ​ഷ​ത്തോ​ള​മാ​യി ഇ​തേ സ്ഥാ​പ​ന​ത്തി​ൽ ജോ​ലി ചെ​യ്യു​ന്ന​വ​രാ​ണ് പ​ല​രും. ഇ​ന്ത്യ​ക്കാ​ർ​ക്ക് പു​റ​മെ ഈ​ജി​പ്ത്, ഇ​റാ​ൻ, ഫി​ലി​പ്പീ​ൻ​സ് എ​ന്നി​വി​ട​ങ്ങ​ളി​ൽ നി​ന്നു​ള്ള​വ​രാ​ണ് പി​ടി​യി​ലാ​യ മ​റ്റു​ള്ള​വ​ർ.  ഇറാനി പൗരന്റെ ഉടമസ്ഥതയിൽ വർഷങ്ങളായി ക്ലിനിക്ക് പ്രവർത്തിക്കുകയാണെന്നാണ് പിടിയിലാവരിൽ ചിലരുടെ ബന്ധുക്കൾ പറയുന്നത് .പിടിയിലായ മലയാളി നഴ്‌സുമാരിൽ മുഴുവൻ പേരും ഈ സ്ഥാപനത്തിൽ നിയമാനുസൃതമായാണ് ജോലി ചെയ്യുന്നത് എന്നും ബന്ധുക്കൾ വ്യക്തമാക്കി. ഇവർ അറസ്റ്റിലായതിന്റെ കാരണം എന്താണെന്ന് അറിയില്ലെന്നും ദുരൂഹമാണെന്നും ബന്ധുക്കൾ പറയുന്നു. സ്പോൺസറും ഉടമയുമായുള്ള തർക്കമാണ് പ്രശ്നത്തിനും അറസ്റ്റിനും കാരണമെന്നാണ് ചിലർ അഭിപ്രായപ്പെടുന്നത് .

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BZn1FjZuXil57lV7tJoLTL