violationകുവൈത്തിൽ റമദാൻ മാസത്തിലെ ആദ്യ ആഴ്ചയിൽ കണ്ടെത്തിയത് 160 നിയമ ലംഘനങ്ങൾ
കുവൈറ്റ് സിറ്റി; റമദാൻ മാസത്തിലെ സംഭാവനകളുടെ ശേഖരണത്തിലെ നിയമലംഘനങ്ങൾ violation നിരീക്ഷിക്കാനും നീക്കം ചെയ്യാനും സാമൂഹ്യകാര്യ മന്ത്രാലയം രൂപീകരിച്ച ഫീൽഡ് ഇൻസ്പെക്ഷൻ ടീമുകൾ, വിശുദ്ധ മാസത്തിന്റെ ആദ്യ ആഴ്ചയിൽ 160 ലധികം നിയമലംഘനങ്ങൾ കണ്ടെത്തി.
ജീർണിച്ച വസ്ത്രങ്ങളുടെ ശേഖരണം വാങ്ങുന്ന നിയമം ലംഘിക്കുന്ന 30 കിയോസ്‌കുകളും സ്വകാര്യ മേഖലയിൽ പ്രവർത്തിക്കുന്ന കമ്പനികളുടെ 100 വാണിജ്യ പരസ്യങ്ങളും 20 ചാരിറ്റി സംഘടനകളുടെ പരസ്യങ്ങളും ഉൾപ്പെടെ 130 പരസ്യ ഹോർഡിംഗുകളാണ് അധികൃതർ കണ്ടെത്തിയത്. പള്ളികളുടെ ചുവരുകളിൽ അകത്തും പുറത്തും നിന്ന് പരസ്യങ്ങൾ സ്ഥാപിക്കുന്നത് വിലക്കിയ ഔഖാഫ് ഇസ്‌ലാമിക കാര്യ മന്ത്രാലയത്തിന്റെ നിബന്ധനകൾ ലംഘിച്ച് പള്ളികളുടെ ചുമരുകളിൽ തൂക്കിയ 10 പരസ്യങ്ങൾക്ക് പുറമേയാണിത്. സാമൂഹികകാര്യ മന്ത്രാലയം കുവൈറ്റ് മുനിസിപ്പാലിറ്റിയിലെ ഇൻസ്പെക്ടർമാരുടെ ഏകോപനത്തിൽ മസ്ജിദിൽ നിന്ന് നോമ്പ് തുറക്കാൻ ആഹ്വാനം ചെയ്യുന്ന പരസ്യങ്ങൾ നീക്കം ചെയ്തു. കൂടാതെ നിയംം ലംഘിച്ച കിയോസ്‌കുകളും നീക്കം ചെയ്തതായി വൃത്തങ്ങൾ അറിയിച്ചു. വാണിജ്യ കമ്പനികളുടെ നിയമ ലംഘനങ്ങൾ സംബന്ധിച്ച്, വാണിജ്യ, വ്യവസായ മന്ത്രാലയത്തെ അറിയിക്കുകയും ആവശ്യമായ നടപടികൾ കൈക്കൊള്ളുകയും ചെയ്തു. സംഭാവന പദ്ധതിയെ നിയന്ത്രിക്കുന്ന നിയമങ്ങളും ആവശ്യകതകളും പാലിക്കാൻ ചാരിറ്റി പ്രവർത്തനങ്ങളുടെ ചുമതലയുള്ളവരോട് ആവശ്യപ്പെടുകയും ചെയ്തുവെന്ന് വൃത്തങ്ങൾ ചൂണ്ടിക്കാട്ടി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/D5gxAuU59jy9imV3KXe6qR
Comments (0)