റമദാനിൽ സ്കൂളുകളുടെ സമയം പ്രഖ്യാപിച്ച് വിദ്യാഭ്യാസ മന്ത്രാലയം
സ്വകാര്യ അറബ് സ്‌കൂളുകൾക്ക് പുറമെ കിന്റർഗാർട്ടൻ, പൊതുവിദ്യാഭ്യാസം, സ്‌പെഷ്യൽ എജ്യുക്കേഷൻ, മതപരമായ സ്‌കൂളുകൾ എന്നിവയുടെ വിശുദ്ധ റമദാനിലെ സ്‌കൂൾ സമയം സംബന്ധിച്ച് വിദ്യാഭ്യാസ മന്ത്രാലയം അണ്ടർസെക്രട്ടറി ഡോ. അലി അൽ യാക്കൂബ് തീരുമാനം പുറപ്പെടുവിച്ചു. തീരുമാനമനുസരിച്ച്, എല്ലാ സ്കൂളുകളുടെയും പ്രവൃത്തി സമയം രാവിലെ 9.30 ന് ആരംഭിച്ച് കിന്റർഗാർട്ടനിൽ ഉച്ചയ്ക്ക് 1 നും പ്രൈമറിക്ക് 1.30 നും ഇന്റർമീഡിയറ്റ്, സെക്കൻഡറി സ്കൂളുകളിൽ 2.05 നും ക്ലാസ്സുകൾ അവസാനിക്കും. ഓരോ ക്ലാസിന്റെയും സമയ ദൈർഘ്യം സംബന്ധിച്ച്, എല്ലാ വിദ്യാഭ്യാസ തലങ്ങൾക്കും 40 മിനിറ്റും കിന്റർഗാർട്ടനിന് 5 പീരിയഡുകളും ബാക്കിയുള്ള വിദ്യാഭ്യാസ തലങ്ങളിൽ (ഇന്റർമീഡിയറ്റ് – പ്രൈമറി – സെക്കൻഡറി) 6 പിരീഡുകളും ആയി സജ്ജീകരിച്ചിരിക്കുന്നു. മുതിർന്നവർക്കുള്ള വിദ്യാഭ്യാസത്തിന്റെയും സാക്ഷരതാ കേന്ദ്രങ്ങളുടെയും ക്ലാസ്സുകളുടെ സമയം രാത്രി 7:45 മുതൽ അർദ്ധരാത്രി 12 വരെ ആരംഭിക്കും, കൂടാതെ ക്ലാസ് സമയവും 40 മിനിറ്റായിരിക്കും. കുവൈറ്റിലെ വാ‍‍ർത്തകളും വിശേഷങ്ങളും അറിയാൻ വാട്സ്ആപ്പ് ലിങ്കിൽ ക്ലിക്ക് ചെയ്യുക https://chat.whatsapp.com/HupCComIo3E8IXTSXIjyNb
Comments (0)