പോലീസുകാരെ ആക്രമിച്ചാൽ 5 വർഷം തടവും, 5,000 KD വരെ പിഴയും
പോലീസുകാരെ ആക്രമിക്കുന്ന ആളുകൾക്കെതിരെ കർശന നിയമനടപടികൾ സ്വീകരിക്കുമെന്ന് ആഭ്യന്തര മന്ത്രാലയം. പ്രത്യേകിച്ച് ഡ്യൂട്ടി സമയങ്ങളിൽ ആയിരിക്കുമ്പോഴുള്ള ആക്രമണങ്ങൾക്കെതിരെ. അടുത്ത കാലത്തായി പോലീസ് ഉദ്യോഗസ്ഥർക്ക് നേരെ ആവർത്തിച്ചുള്ള ആക്രമണങ്ങൾ റിപ്പോർട്ട് ചെയ്യപ്പെട്ടതിനെ തുടർന്നാണിത്. പോലീസ് സേനയിലെ അംഗത്തെ തന്റെ ഡ്യൂട്ടി ചെയ്യുന്നതിനിടയിൽ എതിർക്കുകയോ, അവന്റെ ഡ്യൂട്ടി തടസ്സപ്പെടുത്തുകയോ, ആക്രമിക്കുകയോ ചെയ്താൽ, 5 വർഷത്തിൽ കൂടാത്ത തടവും 5,000 ദിനാർ വരെ പിഴയും, അല്ലെങ്കിൽ ഇവയിലേതെങ്കിലുമോ ആയിരിക്കും ശിക്ഷ. കൂടാതെ, വാക്കാൽ അധിക്ഷേപിക്കുകയോ ആംഗ്യത്തിലൂടെ അപമാനിക്കുകയോ ചെയ്താൽ, ശിക്ഷ രണ്ട് വർഷത്തിൽ കൂടാത്ത തടവും 3,000 ദിനാറിൽ കവിയാത്ത പിഴയും അല്ലെങ്കിൽ ഇതിൽ ഏതെങ്കിലും ഒന്നോ ആയിരിക്കും. പൊതു ക്രമം സംരക്ഷിക്കുന്നതിനായി പൗരന്മാരോടും താമസക്കാരോടും നിയമം അനുസരിക്കാൻ ആഭ്യന്തര മന്ത്രാലയം ആഹ്വാനം ചെയ്തു. കുവൈറ്റിലെ വാ‍‍ർത്തകളും വിശേഷങ്ങളും അറിയാൻ വാട്സ്ആപ്പ് ലിങ്കിൽ ക്ലിക്ക് ചെയ്യുക https://chat.whatsapp.com/EVelID8gk5M6cydvXxgw5M
Comments (0)