KUWAITVARTHAKAL

കുവൈറ്റിൽ നിന്നുള്ള ഫിലിപ്പിനോ തൊഴിലാളികളുടെ പണമയയ്ക്കൽ കഴിഞ്ഞ വർഷം 0.79 ശതമാനം കുറഞ്ഞ് 576.06 മില്യൺ ഡോളറിലെത്തി. 2020 ൽ ഇത് 580.63 മില്യൺ ഡോളറായിരുന്നുവെന്നാണ് റിപ്പോർട്ട്. സെൻട്രൽ ബാങ്ക് ഓഫ് ഫിലിപ്പീൻസിന്റെ ഡാറ്റയെ അടിസ്ഥാനമാക്കിയുള്ള സ്ഥിതിവിവരക്കണക്കുകൾ പ്രകാരം, ഗൾഫ് സഹകരണ കൗൺസിൽ രാജ്യങ്ങളിൽ നിന്നുള്ള ഫിലിപ്പിനോ തൊഴിലാളികളുടെ പണമയയ്ക്കൽ 2021 ൽ 0.67 ശതമാനം വർധിച്ച് 5.148 ബില്യൺ ഡോളറിലെത്തി. മുൻ വർഷം ഇത് 5.114 ബില്യൺ ഡോളറായിരുന്നു. മൂന്ന് ഗൾഫ് രാജ്യങ്ങളിൽ കഴിഞ്ഞ വർഷം ഫിലിപ്പിനോ തൊഴിലാളികൾ അയക്കുന്ന പണത്തിന്റെ മൂല്യത്തിൽ വർദ്ധനവ് ഉണ്ടായി. 2.56 ശതമാനം വർധനയും 1.32 ബില്യൺ യുഎസ് ഡോളറുമായി യുഎഇയാണ് പട്ടികയിൽ ഒന്നാമത്, 1.31 ശതമാനം വർധനയോടെയും,1.835 ബില്യൺ ഡോളറുമായി സൗദി അറേബ്യയും, തുടർന്ന് 1.11 ശതമാനം വർധനയും, 829.48 മില്യൺ ഡോളറുമായി ഖത്തറുമാണുള്ളത്. കുവൈത്തിലെ വാർത്തകൾ അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JGMXb37HQMs9UAK68QShar

മറ്റ് മൂന്ന് ഗൾഫ് രാജ്യങ്ങളിൽ നിന്നുള്ള ഫിലിപ്പീൻസുകാരുടെ പണമയക്കലിലും കഴിഞ്ഞ വർഷം കുറവുണ്ടായി. സുൽത്താനേറ്റ് ഓഫ് ഒമാനിൽ ഫിലിപ്പിനോ തൊഴിലാളികളുടെ പണമയയ്ക്കൽ 6.32 ശതമാനം കുറഞ്ഞ് 361.67 മില്യൺ ഡോളറിലെത്തി. ഇക്കാര്യത്തിൽ രണ്ടാമത്തെ രാജ്യം ബഹ്‌റൈനാണ്, 1.16 ശതമാനം കുറഞ്ഞ് ബഹ്‌റൈനിൽ 225.89 മില്യൺ ഡോളറിലെത്തി. ഫിലിപ്പിനോ തൊഴിലാളികളുടെ പണമയയ്ക്കൽ കുറഞ്ഞ മൂന്നാമത്തെ ഗൾഫ് രാജ്യം കുവൈത്താണ്. ഗൾഫ് സമ്പദ്‌വ്യവസ്ഥ കൊറോണ വൈറസിന്റെ പ്രത്യാഘാതങ്ങളിൽ നിന്ന് ക്രമേണ കരകയറിയതോടെയാണ് പണമയയ്ക്കൽ വർധിക്കുന്നത്.
സെൻട്രൽ ബാങ്ക് ഓഫ് ഫിലിപ്പീൻസിന്റെ കണക്കുകൾ പ്രകാരം, ഗൾഫ് രാജ്യങ്ങളിൽ നിന്നുള്ള പ്രവാസി തൊഴിലാളികളുടെ പണമയയ്ക്കൽ ലോകത്തിലെ വിവിധ രാജ്യങ്ങളിൽ നിന്നുള്ള മൊത്തം ഫിലിപ്പിനോ കറൻസി കൈമാറ്റത്തിന്റെ 16.39 ശതമാനമാണ്. 2021 ൽ ഇത് 31.42 ബില്യൺ യുഎസ് ഡോളറാണ്. ഏഷ്യൻ രാജ്യങ്ങളിൽ നിന്നുള്ള തൊഴിലാളികളുടെ പണമയയ്ക്കൽ 7.03 ബില്യൺ യുഎസ് ഡോളറാണ്, ഇതിൽ ഗൾഫ് രാജ്യങ്ങളിൽ നിന്നുള്ള പണമയയ്ക്കൽ 73.26 ശതമാനമാണ്. അമേരിക്ക കഴിഞ്ഞാൽ ആഗോളതലത്തിൽ വിദേശത്തേക്ക് അയക്കുന്ന പണത്തിന്റെ ഏറ്റവും വലിയ പങ്ക് ഗൾഫ് രാജ്യങ്ങളുടേതാണ്, മിക്ക മേഖലകളിലും പ്രവാസി തൊഴിലാളികളെ ആശ്രയിക്കുന്നതാണ് ഇതിന് കാരണം. കുവൈത്തിലെ വാർത്തകൾ അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JGMXb37HQMs9UAK68QShar