KUWAITVARTHAKAL

കുവൈത്ത്​ സിറ്റി: കോവിഡ്​ കേസുകൾ വർധിക്കുന്ന സാഹചര്യത്തിൽ പൊതുപരിപാടികൾക്കും ഒത്തുകൂടലുകൾക്കും ഏർപ്പെടുത്തിയ വിലക്ക്​ പൊതുസമൂഹം പാലിക്കുന്നുവെന്ന്​ ഉറപ്പാക്കാൻ നടപടികൾ കർശനമാക്കാനൊരുങ്ങി അധികൃതർ. ഇത്തരം പരിപാടികളുടെ പരസ്യങ്ങൾ വരുന്നത്​ നിരീക്ഷിച്ച്​ വേദിയിൽ പരിശോധന നടത്തുത്തുമെന്നും ഒത്തുചേരലുകൾ തടയാൻ മാൻപവർ അതോറിറ്റിയുടെ നേതൃത്വത്തിൽ പരിശോധന കർശനമാക്കിയിട്ടുണ്ടെന്നും അധികൃതർ വ്യക്തമാക്കി​. ജനുവരി മൂന്നിന് ചേർന്ന മന്ത്രിസഭ യോഗത്തിലാണ് കോവിഡ് മൂന്നാം തരംഗത്തിന്റെ പശ്ചാത്തലത്തിൽ ഇൻഡോർ ഒത്തുചേരലുകൾ വിലക്കി ഉത്തരവിട്ടത്. ജനുവരി ഒമ്പതു മുതലായിരുന്നു ഇത് പ്രാബല്യത്തിൽ വന്നതും. കൂടാതെ ഫീൽഡ് പരിശോധനക്കായി വനിത ഉദ്യോഗസ്ഥരടങ്ങുന്ന പ്രത്യേക സംഘത്തെയാണ് നിയോഗിച്ചിട്ടുള്ളത്​. ഹാളുകൾ ഓഡിറ്റോറിങ്ങൾ തുടങ്ങിയവ കേന്ദ്രീകരിച്ചാണ് സംഘം പരിശോധന നടത്തുകയെന്നും ആരോഗ്യ മാർഗനിർദേശം പാലിക്കാത്ത സാഹചര്യത്തിൽ കർശന നടപടികൾ കൈക്കൊള്ളുകയും ചെയ്യുമെന്ന്​ അധികൃതർ അറിയിച്ചിട്ടുണ്ട്. കുവൈത്തിലെ വാർത്തകൾ അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/E5MuI5H9bXeAlMLnIqqNJ5